اشتیاق مسید د مشال راډیو خبریال دی چې د جنوبي وزیرستان، ډېره اسماعیل خان، ټانک او لکي مروت د امنیتي، سیاسي او ټولنیزو حالاتو په اړه راپورونه جوړوي.
د ټانک په پای کلي کې شاوخوا دوه اوونۍ مخکې راغلي سېلاو خلکو ته لوی مالي زیانونه اړولي دي. د کلي اوسېدونکو مشال راډیو ته وویل چې د کورونو بیا ودانولو لپاره پیسې نه لري او حکومت ورته له خوړو پرته نور هېڅ نه دي ورکړي. ویډیويي رپورټ.
دوی له حکومت غوښتنه وکړه چې علي وزير دې زر تر زره له کراچۍ زندانه خوشې کړي. دغو مشرانو وویل، د پاکستان د قانون او ایین په رڼا کې د علي وزیر د خوشې کېدو مطالبه کوي. علي وزیر له خوا وشا تیرو ۱۸ میاشتو راهېسې د کراچۍ په زندان کې د بند شپې ورځې تېروي.
پولیس وايي، د پېښې مقدمه یې دایره کړې او تحریک طالبان پاکستان ویلي، د پېښې پلټنو لپاره یې "کمېشن" جوړ کړی دی. د هغې ډلې ویاند محمد خراساني د جولای پر ۱۷مه مشال راډیو ته په استولي بیان کې ویلي چې هغه کمېشن د فضل حمید په وژنه کې ککړ کسان معلوموي.
په ډېره اسماعیل خان کې د ژغورنې ادارې (رېسکیو ۱۱۲۲) ویاند اعزاز محمود دوتاڼي مشال راډیو ته وویل، پېښه د ډېره اسماعیل خان د مغلکوټ په غرییزه سیمه دانه سر کې شوې.
په شمالي وزیرستان او نورو قبایلي ضلعو کې د بدامنۍ دا پېښې پر دې سربېره روانې دي چې تحریک طالبان پاکستان له پاکستاني حکومت سره تر نامعلومې مودې اوربند اعلان کړی دی.
احتجاج کوونکي له حکومت څخه غوښتنه کوي چې دغه سیمې ته د اوړو او بورې پر تجارت لګول شوی بندیز واخلي.
د سیمې مرستیال کمېشنر فرحان خان مشال راډیو ته وویل، د ضلعې انتظامي مشر د مکین بازار له دوکاندارانو سره خبرې کړې دي او ورته یې ډاډ ورکړی چې د مسلې د هواري لپاره به له اړوندو چارواکو سره رابطه کوي او ستونزه به ژر هواره شي.
د پاکستاني طالبانو یو مشر د نوم نه ښودلو په شرط، د مې په ۱۴مه مشال راډیو ته ویلي چې د مسیدو مشرانو بیګا (د مې په ۱۴مه) د طالبانو له مشرانو سره ملاقات کړی دی او ورسره یې د سیمې په امنیت خبری کړې دي.
د مې پر شپږمه په ټانک کې د جنوبي وزیرستان د مرستیال کمشنر په دفتر کې شوې جرګه کې د سویلي وزیرستان د بیلا بیلو سیمو مشرانو او ولسي استازو برخه واخیسته.
د مارچ پر ۳۱مه د هغې صوبې د څلورو قبایلي سیمو په ګډون په ۱۸ ضلعو کې بلدیاتي انتخابات وشول چې له نارسمي نتیجو سره سم، د ملاکنډ ډېوېژن د اووه ضلعو زیاتره تحصیلونه واکمن تحریک انصاف ګوند ګټلي دي.
د خیبر پښتونخوا په جنوبي ضلع ډېره اسماعیل خان کې د ډېره جات جیپ ریلي په نوم د ګاډو د ځغاستې درې ورځنۍ سیالۍ پای ته رسېدلې دي. په دې سیالیو کې د پاکستان له بېلابېلو برخو څخه خلکو برخه اخیستې وه چې پکې ښځې هم شاملې وې. نور په ویډیويي رپورټ کې.
پولیس وايي، هڅه کوي چې د خلکو د سر او مال ساتنه وکړي او پوځ وايي چې په شمالي وزیرستان او جنوبي وزیرستان کې یې د وسله والو ضد عملیاتو ته دوام ورکړی دی.
د جنوبي وزیرستان مرستیال کمشنر فرحان خان د فرورۍ پر پنځمه مشال راډيو ته وویل چې له احتجاج کوونکو سره يې خبري روانې دي او هيله لري چې ژر به دا مسله حل کړي.
دا جرګه د جنورۍ پر ۲۱مه، د خېبر پښتونخوا په ټانک کې د جنوبي وزیرستان د مرستیال کمېشنر په دفتر وشوه.
د سیمې اوسېدونکو د جنورۍ پر ۱۹مه له مشال رېډيو سره په خبرو کې نیول شوي کسان بې ګناه بللي دي.
نور وښیئ
